بيت القصيد

معسولٌ مذاقُ الحُبِ إن تلاقى المُحبينَ

………………وطيبٌ رحيقُ الزهرِ إن طـَيـَبـَهُ العبيرْ

وأشواقُ الحُبِ فى الهجرِ واللقاءِ لهيبُ

………………و  فى عيونِ العشاقِ   يختبئ المصيرْ

فهذى  عيناى  تـُقـْبـِلـُكى  هاربة ٌ منى

………………تـَلوذ ُ  بـِكِ    فقد     أرهـَقـَها  الهجيرْ

تـَمـتـَثـِلُ لأمرِ الهوى و تـُقـَبـِلُ هـواكِ

 ………………و ترتَـَشِفُ من ضياء ِعينيكِ و تستنيرْ

 القــَلبُ هجانى و رَحَلَ  يتبَعُ خـُطـــاكِ

 ………………و الفؤادَ صريعُ ذاكَ الخـَطــبُ الشهيرْ

 ماذا   منى   تبقى   ليا   إبانَ   لـُقيـاكِ

 ………………و الروحُ تـَغفو فأكُن كالصـَنـَمِ السكيـرْ

 كيف  لا   أرى  قرائِنَ العُمرِ و  أراكِ

 ………………و  البُعدِ  يَمتـَدُ   كسائِرٍ يُحييهُ المسيرْ

المزيد

جميلة ٌ     بلادي  لا  تـُعابُ…….و شـَرُها   لقلبي   مُستـَطابُ

أرضً   لا   يُدنسها  الكِـلابُ…….و يَفِـرُ   من   بأسَها  الذئِابُ

النسيمُ    يُراقِصُ     زهرَها…….و الرحيقُ من وردِها ينسابُ

الطيرُ       يغدو     بالأماني…….و   يعودُ    بالحُلمِ    أسرابُ

العصفورُ   يَعزِفُ   لِلمُحبين…….و  له     على   العِدا   أنيابُ

لا   ضعيف ٌ    فيها   يخافُ…….و  لا   تـُرَدُ   فيها   الأبـوابُ

من  يهجُرُها  يعودُ   يُقـْبـِلـُها…….فحُلوها    و   مُرها   جَذابُ

إن   نادَتني    مِصرُ     يوماً…….بالروحِ      نِداءَها    يُجابُ

إن   إبتعدتُ   يهزني الشوقُ…….و يُعَنِفـُنى   السَهرُ  و العذابُ
فأعودُ      اُقـَبـِلُ     هامـَتـَها…….فأنا      و     مِصرُ  أحبابُ

لِمصرُ     المهدُ    و   اللحدُ…….والعمرُ  و المصيرُ  و المآبُ

المزيد

بَدَا    فى     سماءِ      الزمانِ      شِهابٌ

………………………أنارَ    ظلامَ      الزمانْ       و    المكانِ

بَدَا        حين           إختفى         النورُ

………………………و   ضلتْ  فى  القلوبِ   معانى   الإيمانْ

لاحَ      لليلِ      و     نادا           فجرَهُ

………………………ففى   عينيه   الليلُ   و   النهارُ    يلتقيانْ

وجهُهُ   الأسمرُ    فى  الفضاءِ     كوكباً

………………………و   قمرانٌ  بينهُما    برزخُ   لا    يبغيان

هَدَا       الركبُ       لدربِ           العُلا

………………………و  تتشـَعَبُ  الدروبُ فى  دَرْبِ    البُهتانْ

رجلاً    يُوزَنُ  بـِكُلِ    نفيسٍ     و   غالٍ

………………………و إن   زنتـَهُ  لـَتـَحَطَمَ   صُلبُ    الميزانْ

صَدَقتْ     أقوالـُهُ        فِعلَ       المُحالَ

………………………و   رَدَ   عن   الديارِ    غـَشـَمَ   الطُغيانْ

صادِقٌ  و  مَنْ  صَدَقَ   القولَ   و   الفعلَ

………………………بَلـَغَ      أسمى        مراتِبَ        الإيمانْ

و   عيونُ    الحبيبةِ    عِشقـُهُ    و   هواهُ

………………………فـمِصرُ    أجملُ    النِساءِ    و     البُلدانْ

ثارَ     يومَ      أن       ثارَ       الأحرارُ

………………………و     ثورة ُ    الحُرِ     عِزة ُ      الإنسانْ

أخفى       الدمعَ         يومُ          العُسرِ

………………………و  أبدت   ما    أخفى    حُرقة ُ    العينانْ

لملـَمَ   الأمانى    و     اعتـَزَمَ     الرحيلُ

………………………فـَخـَرجتْ  الجُموعُ   بالوردِ   و الريحانْ

إبقى       فأنتَ       الحُلمُ      و    الأملُ

………………………أنتَ    فارسٌ    من    زمانِ     الفـُرسانْ

و   كيف    لا    يُلبى     النداءَ     فارسٌ

………………………حين         تـُناديهُ         ديارُ    الأوطانْ

رَفـَعَ   الراءسَ   و   القدمانُ     عاريتانٍ

………………………إن     الكرامة َ   تـَرُدُ     ألمَ     الجوعانْ

عادَ     صلباً       كما       هو      دوماً
………………………إنه      لا      يَعرِفُ     تعريفاً     للهوانْ

نـَسَجَ        بـِبالى        الخيوطِ       ثوباً

………………………لِتـَرتـَديهُ   الأمة ُ    فى   ساحةِ     الميدانْ

و    بهذا     تشهدُ     اليمنُ       و  الشامُ

………………………و  جزائرٌ  لا   تعى   معانى      العارفانْ

تـَمَرَدَ     و     أمَمَ      الحَقَ     المَسلوبِ

………………………و  سارَ  على   جمرٍ   نارُهُ  فى    سريانْ

شـَيَدَ        المُحالَ       سداً       للطوفانِ

………………………و   ألبَسْ   الحقولَ        ِرداءِ      الأمانْ

باغـَتـَهُ       ثـُلاثيُ      المخالِبُ     فـَرَدَهُ

………………………يَجُرُ    أثوابَ      الخِزي     و    الهوانْ

المزيد

 

أقبَلَ        الليلُ      فالناسُ       نيامُ

…………….و العذابُ  ضجيعُ  صدرى  و الآلامُ

إنطفأ    النهارُ    و   إشتـَعَلَ  الشوقُ

…………….و ذَرْفَ   الدمعِ   تـَتبَعُهُ      الأحـلامُ

و تثورُ   فى   فؤادى الجريحِ لوعة ٌ

…………….وتبكى الأحجارُ من أنـَتـّى والأصنامُ

و أصيحُ   مُتألماً   بصوتٍ لا أسمَعُُهُ

…………….كصوتٍ  من  الصمتِ هَجَرَهُ الكلامُ

أسيرُ   على   الجَمرِ    أسيرُ   سِحرٍ

…………….مالـَهُ  من  رُقية ٍ   و   تعوذُهُ   الأنامُ

هَجَرَ الحبيبُ و خنجره فى قاصرتى

…………….ويغدو ويروحُ فى خاصرتى الحُسامُ

هل يُلامُ  الحبيبَ   أم   يُلامُ    الحُبَ

…………….أم   من   على  تمزيقِ  أوردتى يُلامُ

أنتـَفِضُ    إنتفاضة   ُ الموتِ  فأغفو

…………….و أراه   يتمايلُ  يُراقِصُهُ     الإبتسامُ

أراهُ    و   العينُ   لا   ترى    سِواهُ

…………….و الرؤيا    سراباً    يمحوهُ    الظلامُ

و ماذا   إن   راءيتـُهُ   ءأقتـُلُ  قاتلى

…………….فأجعَلـُهُ   مثلى    رمادٌ     و   حُطامُ

أم أقـَبـِلُ  حبيبى و أرتمى فى  عينيهِ

…………….و اشكوهُ    إليهِ    و   أبكى   و  أنامُ 

 

 

و أنا   و   العينُ   و  القلبُ  و الفؤادُ

…………….سهارى   الليلُ    و   الناسُ      نيامُ

و نادى    المُنادى    فى    السهارى

المزيد

سهَرَ    الليلُ    و   النجمُ    مُغتـرِبُ

…………………و القلبُ   متيمٌ   و  الفؤادَ      مُعَذَبُ

و  القمرُ  يغدو    يُلملِمُ       الأشواقَ

…………………و يروحُ  برسائلِ   العشاقِ  ثم يذهبُ

عَشَقَ   القلبُ   و   تزهَدَ   فى عِشقِهِ

…………………و   لكل   قلبٍ   فى   الحُبِ   مَذهَبُ

و أُضرِمَ   الجوى  فى  قلبى  المُغرَمُ

…………………كما   النارَ   فى    الحَطَبِ   تـُنِـشـَبُ

و   نبتةُ   غرامى    للسحابِ   تُدرِكُ

…………………و جذورُ   العشقِ  فى  قلبى  تتشـَعَبُ

أثملنى   خمرُ    العشقِ    و   الهوى

…………………فذاكَ     أطيبُ    الخمرِ   و   أعذَبُ

و تجذبني  الحياةُ   للهيامِ   فى هواها

…………………كما   النحلَ   لرحيقِ   الوردِ  يُجذَبُ

وحين    يلقى    خيالٌ  منها   خيالـيا

…………………أمتلكُ الوجودَ و على عرشِهِ أتنـَصَبُ

 

 فهى    الحبيبة ُ  نعم   و هى   طفلتى

…………………و هى   كل   ما   هو   للقلبِ  مُقـَرَبُ

هى  الوردةُ   الزهراء   فى   صباها

…………………تتمايلُ   تراقِصُها   الرياحُ   اللواعِبُ

حين   يراها الأعجميُ  يقضى العُمـرَ

…………………يجمعُ    النفائِسُ    لرضاها و يتعَرَبُ

رسمُها     يعتنِقُ      دينَ     الحُسنِ

…………………و   وجهها   للوحِ    الجمالِ    يُنسَبُ

عينيها    بدعة    الإله    و    سِحرُهُ

…………………و   مقلة ٌ   تستنيرُ  بنورها   الثواقِبُ

و أنامُ   فى  عينيها  و  أغفو  و أهيمُ

…………………كطفلٍ   على    صدرِ   أمِهِ   يتـَربَبُ

و قد   يُحَرَمُ  النـَظـَرَ     فى    عينيها

…………………كما   حُرِمَ   كل  ما   للعقلِ   مُذهِـبُ

وأوقفتُ الزمانَ ورحلتُ بين العصـور

…………………و أنا  من أسفارى  و رحلاتى مُتـعَبُ

و  أي  بلادَ   الشرقِ تـُجمِلـُها حبيبتى

…………………أم  يحجُبُها  عن  ترحالي     المغرِبُ

حبيبتى    يُحِبُها     قليلٌ    و    كثيرُ

…………………و لكن   فى   الحُبِ  تختلفُ المراتِبُ

و انا   فى   أسمى  المراتبِ   راغبٌ

…………………و إنى   لما  رَغِبتُ  فى حُبـِهِ صائِبُ

و  عَظـُمَ   أمرُ  الهجرِ  على صبرى

…………………إن الصبرَ تعظمُهُ الأهوالُ والمصائِبُ

قـُسِمَ   العذابَ    و   قسمتى   أعظـَمُ

…………………فما   من   عذابِ    الحُبِ    أصعـَبُ

و  كيف    أهجو    عذابَ     الهوى

…………………و   هو   لقلبِ    الحبيبِ       مُحَبَبُ

و  أغمدتُ   قلبى  فى  لهيبِ  الجوى

…………………حتى   يُصدِقُ   عذابى  و   لا  يُكَذِبُ

عشقتـُها   و نائباتُ  الدهرِ  تضربنى

…………………و  مثلى  بغير ِ   الأهوال لا  يُضرَبُ

و  نادانى   الدهرُ   بالعيشِ    الطيبِ

…………………و   لم   أجِدُ   من   عينيها     أطيبُ

و   إن   صفوا  ليا  الحِسانَ  صُفوفاً

…………………لتعاليتُ   فبغير   حُسنِها   لا  أرغَبُ

قلبُها   صعبُ   المنالُ    و    الهوى

…………………و  لكن  ما  لي  سوى  الحُبَ  مَطلَبُ

أراقصها   فى  عوالمِ الحُلمِ و الخيالِ

…………………و الصحو  ملحاً  على  الجُرحِ يُسكَبُ

و السماءُ  وسادةُ   العيونُ و الكواكِبُ

…………………فينامُ    كوكبٌ   و  يرحلُ     كوكَـبُ

و  تظلُ   حبيبتى    سحرُ     الوجودِ

…………………و كل   موجودٍ   فى  الوجودِ   يتقلبُ

جُرِمَ     الحُبَ   على   عبدٍ     مُغرَمُ

…………………فهل     أنا    بذاكَ   الحُبِ     مُذنِـبُ

أهٍ    لو    تذوقَ     البحرُ      دمعى

…………………لَجَفَ   البحرُ   من  حَرِ  ما   يشرَبُ

القيدُ   يوهِنُ    الفؤادَ   و    المِعصَـمُ

…………………و يوجِعُ   القلبَ   و  الوريدَ  و يُعَذِبُ

و    إذا    حررتْ      كُلِ       مُقيدٍ

…………………فلأى   الدروبِ   أفِرُ    و     أهرَبُ

أغرِمتُ     بذاتِ      الوجهِ    غضاً

…………………كوجهِ   صُبحٍ     بالبراءةِ     يتطيبُ

و  تصاحبتْ    طيورُ   الفكرِ    بيننا

…………………فإذا      كتبتُ      بمثلِهِ       تـَكتـُبُ

و   تخالفتْ    طيورُ    القلبِ     مننا

…………………فأحببتـُها   و  انا  عن   قلبـِها  مُجَنَبُ

و   كيف    يلومُ     الحبيبَ    مُغرمٌ

…………………فليس  على   هوى  القلوبِ    يُـعَتـَبُ

المزيد

بلادى     بلادى     بلادى     و إن   جف   الوادى   بلادى‏

بلادى     بلادى     بلادى     و إن   إنطفأ   النهار   ‏بلادى

يا مصر   جئناكِ     عُشاقاً     نمتطى      صهيلَ     الجيادِ‏

هممنا     نزيلُ       الغبارَ     ليعودُ      بريقُ       الأمجادِ

إنتفضنا    ننثـُرُ     الكفاحَ      فى  الصحراءِ  و فى   الوادى

غرسنا  كفوفـَنا  فى السماءِ     لِنشتـَقُ     علياءَ       الأجدادِ

ها     نحن     لكى   الفدا      نـَرُدُ       عنكِ        الأعادى

نبذنا عن   أثوابنا  الخلاف      و  لأجلُـكِ    تكاتفت   الأيادى

يا  شمساً  لا  تغيبُ   سنيناً      تـُنيرُ       سماواتَ      البلادِ

 

سيرى     عالية     الجبينِ      سيرَ    العِظامِ   فوق  الأحقادِ

 

إشربى     كأس    صبرى      إن  الصبرَ   شراب    فؤادى

 

و  عاقبى   بعصا    الكبير      من    يتبِعُ    خـُطا   الأعادى

 

بلادى     بلادى     بلادى      و إن   جف   الوادى   بلادى‏

بلادى     بلادى     بلادى      و إن   إنطفأ   النهار   ‏بلادى

يا   مصرُ     أنا    العزيزُ        و  أنتى   الحبُ   و   مُرادى

و   ليلُ      الحُزنِ   بكيتُ        و    أعلنتُ   النهارَ    حِدادى

 

و   أنا   العروسُ   السمراء       و   الطيرُ   يرقـُصُ   لِوِدادى

أذوبُ  فى  الوردةِ  الزهراءِ       فاُهدى     إليكى     يا  بلادى

أنا         قلمى         سيفاً       يُقـَطِعُ        جذورَ      الفسادِ

و حُبُكِ   فى   قلبى  مُنتشياً       يُراقِصُ   مُهجتى    و  فؤادى

أنا          أسيرُ      هواكِ       و   يُعذِبُنى      هولُ     البعادِ

‏ شِعرى    تغنى     بالسمارِ      و أعلنَ   فى   حُبُكِ     ميلادى‏

أنا       قطعتُ      الصلاةَ       حين       سَمِعتُ       المُنادى

 

لبيتُ    يا   مِصرُ    النداءَ       و معى    سيفى    و    جوادى

أنا       الراقِدُ       العظيم       و التاريخُ  يثورُ   فى   رُقادى

 

تحاربت    الألاف   السنين       و لازالت    صامدةٌ    أمجادى

 ‏
بلادى     بلادى      بلادى      و إن   جف   الوادى     بلادى

بلادى     بلادى      بلادى      و إن   إنطفأ   النهار     بلادى‏

 

أنا        شبابُ        مصرُ     أضربُ   بقدمي  على   الأوتادِ

‏
سأكون و إن  رفض الزمانُ      ففي    عيني     يثورُ   عنادي‏

أنا      العالمُ         الجليلُ      و   العلم   و الإيمان    ‏عتادي

أنا         ثورةُ         النيل     و  بالروح   أفتدى    و  ‏أفادى

المزيد

 

إسقينى  واشربى حتى الصبحِ المُنَسَمِ

……………….و ليكُن   من  شَهدِ   شفتيكِ   مَشربى

و سكونُ     الليلِ     يَسكرُ     سهراً

……………….و  مِنكِ    لصمتِ   السُكونِ  مَهربى

إجمعى    شتاتَ      عاشقٍ    مٌمَزَقِ

……………….و بعينيكِ  إجمعى  مَشرِقى و مَغرِبى

لملمينى    و    قولينى   فأنا    مُلَعثَمُ

……………….و   كيف    أقولُ   و  القولُ   مُعذبي

 القولُ    فى   حَرَمِ   عينيكِ   مُعَظَمٌ

……………….و تتهشمُ   الكلماتُ  وتنثِرُ فى  تـَقـَلُبى

فاقرأى    عيناى      فإنها       تقولُ

……………….ما   لا   يقولهُ  حيائى     و    تأدبى

ماذا   أقولُ    و  كيف  أبوحُ  بمقتلى

……………….ألا  تكفى   نظراتُ  ولعى  و  تقرُبى

نعم   انا   الفارسُ   الشجاعُ   المُتكَلِمُ

……………….و عيناكِ   جعلتْ  ذاكَ الفارسَ صبى

سحرُ      عينيكِ      جعلنى    طفلاًَ

……………….فياوهلتى  من   ذاك السحرِ و تعجبى

أحاولُ   مراراً  و لا  يُطيعَنى   فمـى

……………….و   ياله   من  عاصٍ   أثارَ  تعُصُبى

 و  كيف    يقولُ   و  القولُ    مُهشَمُ

……………….و   ليتـَهُ   باحَ    و   أراحَ    تـَعَذبى

إسقينى وأشربى   فالشربُ   مُشَجِعى

……………….و أعزِفى  صمتى  وأمزجيه بالطربِ

أخرجى  تلك  النجومَ  من  ذاك الليل

……………….فأنتى   نجومى  و  قمرى  و  كوكبى

خالفتُ  

المزيد

 

 

 

 

 

 

 

 

 

 

 

هى الارض بتطرح دم

مش هو الخال زى العم

مش بلدى برده هى الام

احلى محبه وكل الحب

ضحكة فرح دمعة حزن

نور العين نبض القلب

سد الخير داب واتهد

ونيل الصبر اختفى وجف

اكل فاسد جوه الفم

وغلا زايد علمنى الهم

محروقه سنابل القمح جريح القطن

وزاد فى عيونى حرقه ودمع

سكت الكلام خرص السمع

طال الليل وانطفى الشمع

نار حريق الجاز ملانى صهد

طال الغلا حتى الزفت

وبورصة خضار جزر ولفت

قطر محروق وعباره غرقانه

وناس للفرح شرقانه

وهمومنا لاهيانه

عن ناس سرقانه

وسابتنى واتجوزت عايده

اتجوزت سباك فكته عاليه

 

سابتنى انا استاذ الجامعه

وفى العين الف دمعه

وعايده شايفه وسامعه

انضرب القاضى وضحك ابولمعه

امين شرطه طايح بالسلطه

ومخبر من كتر الاكل جتله زغطه

الاستاذ قطع الكراس

من بعد ماساب الفلاح الفاس

قلت القيمه بين الناس

ونسينا الهم بفرح الكاس

ماهى ضحكه ساعة الوجع

ضحكتها عيونك

 يامصر

سال الدم هناك ع البر

وسال هنا فى البحر

قتيل كل اول شهر

ومش عارف ليه بس طويله حبال الصبر

الاكل طعمه علقم مر

وكل طريق نهايته قبر

وطوابير طوابير طبل ومزامير

ودقيق متعان فى قوارير

طوابير عيش مسامير

المزيد

المزيد

 

أخ  ٌ  لم تـَلِدَهُ أم هى  أمكْ………. و لكن تـَحمِلهُ أرض هى لكْ

يجول     فى دَمِهِ    هواكَ……… كالنجومِ    تـُجمِلُ     الفــَلـَكْْ

و يثورُ مُنى الفؤادِ لِلـُقياكْ………و   فى دَربِ   الجوى   سَلـَكْ

و  الصبرُ   مذهَبـَهُ  لرؤياكَْ ………   و من   لم   يصبِرُ   هَلـَكْ

الصِدقُ و  الإخلاصُ رِدائكْ………و فى ثوبِ الوفاءِ ما أجمَلَكُْ  

المزيد

 تمضى      الأيامُ      بالألمِ        شهوراً

…………..و    تمضى   اللحظاتُ   بالشوقِ   سنينا

و طيرُ    الأحزانِ   يبكى    على    فَنَنٍ

…………..و   يسكُبُ     اللحنَ        دمعاً     حزينا

يا ويلتنا     و   الأهاتُ   سياطٌ     يجلِدُنا

…………..و الشوقُ    يرجِمُ    الدمعَ    فى    مآقينا

طالَ      الليلُ        بعذابٍ         يَحرِقُنا

…………..و  بويلاتِ   السِهِرِ   يوجِعُنا   و  يُضنينا

و    ذكرى      الحُبِ       حيناً     تؤلِمُنا

…………..و   حيناً    تـُهَدهِـدُنا    و   حينا    تـُبَكينا

أنا      و     القلبُ   و    العينُ    جرحى

…………..و    الحزنُ     يبكى     و   ينامُ       فينا

ننادى    و     ليت     الحبيبُ     يَسمَعُنا

…………..و   يترُكُ    الكِبرَ    يوماً    و      يُنادينا

العينُ   تشتاقُ      لنظرةٍ     من    عينيهِ

…………..فتقولُ   لهُ   رحمة ً  بالعاشقِ    المسكينَ

عاشقٌ    ما   تبقى   منه    إلا    العشقُ

…………..و   هل      العشقُ     وحدَهُ         يُبقينا

 

 

 

 

 

 

 

 

و القلبُ   فى   محرابِ   الحبِ     زاهدٌ

…………..يرتِلُ    الأشعارَ    و    الشعرُ    يُغـَنينا

يَرفضُ     جُرحَ     القلبِ    و     يُنكِرُهُ

…………..و يدعى انه حلماً سيمضى عن أراضينا

و طالَ    الحِلمُ     الزائِفُ      به  فبكى

…………..و نزفَ     جُرحُهُ    دمعاً       و    أنينا

و      أنا     بين      دَمعهُما       حائــرٌ

…………..و   صبراً     فإنـّا      بالحُبِ     أبـتـُلينا

 

 

 

 

 

 

 

 

 

 

 

 

و كيف   الصبرُ   و   قد  حَطَمَ    قِلاعَهُ

…………..

المزيد

 

والله عيبه………………………………….

اهلا ياحفيدى

والله اليوم ده يوم عيدى

طالت الغيبه فى البلد  الغريبه

نستنى ياولد الولد. والله عيبه

وعيبه ازاى مانسينى الولد

ليه حق ينسى ولد الولد

مش حقه تبقى خيبه

ياجدى والله لحيت كتير على والدى

وبعد محايله كتير وتحدى

انهارده  بالعافيه جهزت شنطى

وجينا طوالى على قبلى

وطول السكه نفتكر ونحكى

قصصك وحكاويك ياجدى

حكالى ابويا ايام مهدى

قد ايه كنت عليا بتحدى

الايام وياك والله بتجرى

ومااحس بيومى ولاحتى شهرى

جيت اليوم وسبقنى فرحى

شفت الجلبيه دى ياجدى

جبهالى من الحج عمى

والطاقيه دى هدتهالى ياجدى

شكلهم عامل عليا ازاى

انفع اكون ولد قبلى

……………

ياولدى من غير توب دمك من دمى

تعال يا ولدى هنا جنبى

عايز اشبع من ولد ولدى

ابوك سابك ع الباب وقال جاى

هيغيب طيلة الضحويه

ويجى يقولى يا والدى مشتاق

 

 

لوكان مشتاق كان كسر الباب

مستناشى فتح المفتاح

وسكن حضنى

لكن ياولدى ابوك الدنيا لاهياه

وفى هموم العمر ضل وتاه

والدنيا لاهايه ولاهيه

لكن من تانى هيعاود ولقربى يهاود

احكيلى انت كيف حال المدرسه والفصل

ايه حال القلم والكراس ولساك بتحب الشعر

…………………

فى المدرسه ياجدى كتير حكاوى

استاذ غرف من علمه وادانى

وكتير عن بلدنا حكالى

ليا صاحب من غير مرض  مات

حزنت كتير ونزلت من عينى دمعات

فى جنينة البيت زرعت ورده

جميله ياجدى وبمبه

تعرف لما تكبر لمين ههديها

لأستاذ فى المدرسه عندى

صعيدى ياجدى واسمه وجدى

اتمنيت كتير اهديله رجلى

اصله برجل واحده بيمشى

خسر رجليه فى حرب بلدى

بس بيقول انه كسب مجدى

بيقول انه دافع عن  حلمى وعنى

تعرف ياجدى ايه حلمى

اللى سكن قلبى ودمى

بتمنى اكون من الحكام

بس من حكام زمان

 

 

 

 

اللى حكالى عنهم استاذى وجدى

حكالى عن عمر  وجمال

حكى عن انور السادات

وواحد صاحبه فى الحرب مات

كان ليه زوجه وولاد

كان ليه ولد قدى تمام

حكى عن طبع الدنيا الغريب

اللى فيها القريب غريب

هو ايه معنى الدنيا ياجدى

الدنيا ……………………………………

الدنيا فى الاصل صفحه بيضه

كبيره كده قد الحيطه

والقدر فيها الوان مرصوصه

احمر واصفر اخضر وازرق

الابيض والاسود فيها

وبيرسم القدر رسمه تايهه معانيها

ماتفهمها الا لما الزمان يحكيها

البياض قد السواد

لكن السواد بيطول فى ضواحيها

ضحكه ودمعه والدمعه للضحكه قتله

العين ضاحكه وباكيه وكتير خيفانه وخافيه

تعرف قد ايه خيفانه قد طول الصفحه

قد ما الرسمه واعره

والخوف ياولدى حكايه هو عصا ساحره

يقلب الابيض اسود ويبكى العين الضاحكه

قدايه الخوف سجن نوم وعاش بيه القلب مهموم

اياك والخوف ياولدى

اوعاك تخاف بكره

  

 

ااه من بكره شاغل قلوب وعقول

وناسيين انه فى كتاب مكتوب

ياولدى الدنيا كمالساقيه دواره ودايره

مش على حد باقيه

يوم مرار ويوم حلوه طعم الحلو يمر بحرقه

واياك تأمن وشوش لاالوش يصبح مغشوش

وكتير جمل الوش رطوش

الوش طيب حبيب وقريب

فى الضحكه صف لولى يبان

وفى الاصل ناب كلاب والضحكه مكر دياب

مستنيين وقعة سيفك

اوعاك ياولدى يقع سيفك

هتلاقى الطيب ديب وهتسمع لضحكه عويل

عيش بحربه وسيف وابنيلك قصر من طيف

يا ولدى سر الدنيا فى بير وسرك ميعرفوش الغير

ومتكونشى اعمى ضرير اخرص باكم

سامع كاتم

ده للميه خرير وبتحكى لجناحات الطير

ياولدى متعش جنب الحيط

ليكون حجره مايل ومونته طين

وفى هالحين هتصيح بدل الاهه اهتين

ياولدى الصفحه ان طالت قصيره

وان كانت حلوه برده مريره

بدايتها عليمه والنهايه جهله جهوله

الرضا للدنيا جنه والطمع نارها

ادى سرها وادى قرارها

.

  

……………….

ياه ياجدى كل ده عن الدنيا بتحكى

ومنها كتير بتشكى

تعرف ياجدى الحل عندى

المال000000000000000000000

حلها المال

 

والكل ساعتها يكونوا اخوات

اعيش عزيز ده الفقر ذل ذليل

هجمع منه كتير وهشترى به جناحات الطير

علشان فى السما اطير

ومايطولنى شرير

واكون فياض بالخير

على اهلى واهل الغير

واملك فى كل وقت التغيير

وفى الصحرا يبداء تشجير

المال ياجدى هجمع منه كتير

واشترى بيه جناحات الطير

………………

المال

اجمع منه كتير

واملى من بير

وابنى بيه قصر كبير

لم المال من كل مكان

لكن ياولدى هتوديه فين

ده احنا من الدنيا مهاجرين

ومنها مش واخدين غير

من الكستور مترين

لاهتشترى بيهم يوم ولايومين

وساعتها هيروح المال فين اللى

علشانه مليت النهار وسهرت الليل    

ياولدى المال مش غنى

الغنى فى الاصل رضى

ياولدى ارضى برغيف مش برغيفين

 

العشق0……………………………………….

قبل كده سمعت حكايه

فى العشق ايات وايه

واحد لصبيه عشق  وحب

وبعشقها فى النور تاه وضل

نسى الشمس والضل

وتاه بين الاهل والخل

تاهت العين بين النهار والليل

والعقل ويا القلب فِ تضليل

والحزن على لسأنه مواويل

حاولت اعرف للعشق معنى

ويثبت بلون فى المغنى

……………..

حتى انت ياصغير قلبك بالعشق اتحير

وعلى معانيه بتدور كان قبلك اشطر

العشق ياولدى كماالسحر

نار وتلج ساكنه القلب

شوق وبعد وعين هيمانه فى الحب

داء ياولدى مايداويه طب

ان دق بابك اهرب من شباكك

واوعاك تقع فى شباك صيادك

هتحزن مواويلك وينقلب حالك

لكن مهما هربت اكيد منصاب

اصل العشق مايحوشه باب 

ساكن ع الاعتاب ومراقب الشباك

لو لمحلك طيف او شافلك عين

فى لحظه هتنصاب وهتصبح م الاحباب

وهتسرقك من الدنيا احلام

الحلم…………

بس ياجدى الحلم فيه مجدى

فيه قصرى وصرحى

فيه انا عايش وحدى

عايش طير بيسبح فى نيل

بوقف الوقت فى ساعتى

وبيطول فيه عمرى

فى ثباته سفرى

وحياه تانيه ليه ببنى

……………….

الحلم عالم ورا  غمضة عين مستخبى

سما وبحر جبل وارض

ساكنه جوه غمضه

عيش فيه وارسم سما وارض

ارسم بدل العمر عمرين

ارسم بدل الشمس شمسين

ومتنساشى ياولدى

انه من تانى هتصحى العين

وعمر واحد باقى

وشمس واحده هتفضل

ماهى كفايه لكل الكون بتنور

ياولدى على كيانك دور

 

الموت………………………….

سمعت ياجدى  عن الموت كتير

وماعرفتله تفسير

حاضر بلا تحضير

قاتل بلا تغضير

ملوش رسم ولاوصف

لاليه وقت ولاعمر

وما اعرف ان كان بيفيد ولا بيضر

لكن بيحزن مابيسر

سرق منى صاحبى

اللى بسببه غاب عنى

ايه الموت ده ياجدى

……………………………………

ياولدى الموت ده حوت بالع كل الملكوت

الا ربك ياولدى حى لايموت

صوته صرخ وسكوت

الكل ليه مشدود

 

الموت قدر مكتوب

اوعاك تخافه

لا  ف كل لحظه تموت

واوعاك تخشى حضوره او تنكر وجوده

ليجيلك فى غفله وتلبس توبه

ويقولك ياراحل جه وقت الرحيل

يله قوم ارحل

وساعتها هترحل فى صحر بلا زاد ولاميه

والصحرا متاهه تايهه

اوعاك تخافه

واياك تنكر وجوده

واجمعله زاد

 

اجمعله تقى الرحمن

 

لاجل ماينتهى الترحال وتوصل للبستان

قصدى جنه  تعيش فيها بسمه

بسمه عايشه بين نسمه وضحكه

واياك تحتار لاتشدك نار وتصبح خسران

ضحكى ودمعى ……………………………………..

تعرف ياجدى

ان ضحكى بيصاحب دمعى

مش غريب طبعى

وازاى الحزن ويا الفرح بنأوى

……………..

كتير بيكون جوانا حزن

ولاجل مانبان كماالصخر بنخرجه ضحك

وضحكه مش معنى الفرح

ماهى العين الفرحانه بتبكى

وهى دى عيون حزنانه بالضحك بتحكى

ظاهر عليهم البسمه وهى كتير حزنانه وباكيه

اهو ده ياولدى سر الضحكه الباكيه

يله ياولدى عدى الوقت

خلصت الضحويه وساعة العصر

عدت المغربيه وتاه علينا الفرض

بكره والايام الجايه

فى كل ليله ليك عندى حكايه

نام ياولدى وشد لحافك لبرد الليل الجعان يطولك

واستعيذ بالرحمن  لكابوس ابليس ينولك

ظهر اليوم الاول

 

ياه ياجدى قرص الشمس بعيد قوى عنى

مش قادر اطوله ياجدى بقف على صوابع رجلى

وانط بس برده بعيد عنى هو ايه قرص الشمس ده ياجدى

 

 

 

 

قرص الشمس.0………………………….

 

قرص الشمس

بينادى بالهمس

قرص الشمس ملوش حس

لكن ليه نور وضى بيوصل للارض رغم البعد

قرص بيحررنا من اسر الليل وسجن الضلمه

والسما مترساش على حال من بسمة صفا لدمعة مطر

 من ضى صبحيه لحرقة ضحويه

طيب فى عصريه وفراق فى عشيه

بتجرى تستخبى ورا البحر مستنيه الصبحيه

مبيغفلهاش عين ليها معاد وجيه

جيه كده زى الحق ياولدى

يطول ليل ظلمه لكن من تانى بتعاود شمسه

هو الحق كده زى الشمس

ليه نور بيطلع فى الفجريه بيمسح دمعة المظلوم

ويرسم بسمه على وشه فى ضى الصبح

وحرقه للظالم فى الضحويه

هادى ف ساعة عصر

وان غفلنا عنه يغيب ف المغربه مع الشمس

لكن بيرجع لما العيون بتفتح وتصبح واعيه

مش نايمه بالنهار مظلومه وخايفه

وبالليل سهرانه من النوم همحرومه شايله م عذاب بكره

زى اللى شايل هم البرد فى بؤوونه

اصل شهوره كلها صبحت طوبه

ليل اليوم الاول

هحكيلك ياولدى الليله  قصه بريئه ومره

قصة

الدره ويا الرسمه…………………………..

الدره ياولدى صبى بعيون

حره ونزلت عليه دموع مره

صبى زى كل الصبيه عزيزه على قلبه لعبه

عده لوحه وقلم وعلبة الوان مش خشب

ع اللوحه بالقلم رسم رسمه

فى الاول خط خطوط ورسم وروود

والزهر مرصوص مصفوف

رسم نخله وشجره وشمس طلعه ع الرسمه هله

وصبى تحت النخله بيلعب بورده

بيلاعب موجة نسيم جيه

والضحكه جواه حيه

كرمته النخله بتمره  بكفه حضنها

اكل التمره والنوايه زرعها

علشان فى يوم تصبح نخله

رجع الدره ورسم نجيله وع النجيله رسمه

رسم علم..علم فلسطين الحره

ورسم للعلم جناحين وجوه العلم رسم طير

لآجل مايطير الطير بالجناحين

ويعلا العلم من ع النجيله لما لحدالسما

بص حوليه بيدور ع الالوان وعليها لف ودار

وبعد ساعه لالقاها تحت ايديه

اصل الرسمه كانت شاغله عينيه

بص للرسمه لقاها ضلمه

قال لازم انورها مسك الاصفر

وخرج من الشمس نورها

وبص للنجيله والشجر لاقاهم بس خط قلم

مسك الاخضر ولون النجيله وورق الشجر

وبالازرق لون صفا السما

ومن غير لون لون جوه العلم

لكن العلم ناقصله لون واللون ده مجنون

لكن ياولدى لازم من هذا اللون

لاجل ما الرسمه تلبس احلى توب

مسك الاحمر وبداء اللون بحظر يسرى

وجوه حدود يمشى

لكن فى لحظه السن اتكسر

وسال لون القلم

حبر جاى من نهر ..نهر بلون الدم

سالت من عيون الدره دمعه

لابوه شاكيه وليا وليك ياولدى حاكيه

حاكيه قصة الدره وياالرسمه

ةالصبى اللى فى ثانيه غطاه اللون الطاغى

من ساسه ياولدى لما لراسه

والطير الحر العافى اللى صبح اسير اللون الطاغى

والجناحين اشتكوا تقل العلم

والعلم اللى على النجيله لسه

لاللسما وصل ولا لحدودها

ادى ياولدى

قصة الدره ويا الرسمه

نام ياولدى وشد لحافك لبرد الليل الجعان يطولك

واستعيذ بالرحمن  لكابوس ابليس ينولك

عصر اليوم الثانى

…………………

 

انهارده ياولدى هيتقال ف ديوان العمده سيره

والسير هنا جميله ومفيده تعال ياولدى واسمع السيره

اجلس هنا جنبى بين العمده وبينى

واسمع ياولدى السيره

سيرة خاين واصيل…………………………………..

هحكى انهارده حكايه وهغنيها ع الربابه

الربابه اللى عليها اتغنى قصة الحملان والديابه

واتغنى للعشق صبابه

اسمعوا ياساده اسمعوا كلام الربابه

واسمعوا قصه والله عنوان للغرابه

قصه من الزمن عبره وايه

اسمعوا ياساده

بطل القصه سعيد

كانت كل ايامه عيد

وبنعمة ربه يحكى ويعيد

ويدى الحق لصاحبه وعنه يزيد

سعيد ياساده سعيد

ساعة الحزن كان يخاصم البكا

ولغير ربه ماشكا

وشه مرسوم بضحكه وفى العيون رضا

عنده من الارض فدانيين

فدانيين طين مش قراطين

ليه صاحب واسمه ياساده حمدى

كان صاحبه وشريكه فى اللقمه

وزوجه من يوم الولاده فارقت

وليه ولد سماه امين

الولد لساه صغير

وعمره مازاد عن ست سنيين

عشر سنيين ياساده

ولسه مبتدش الحكايه

الحكايه هتبداء لما طمع الصاحب يغدر

لما الصاحب يضيع ماله فى غلطه

ويصبح ياساده بلا مال ولاسلطه

وزاد عليه الدين

لكن الصاحب اصيل

ميل عليه عيد

واداله حق الفدانيين

وقال سد ياحمدى الدين وان اتبقى من المال قرشيين

يكفى ياحمدى ليا وليك رغيفيين

والله ياساده اصيل عيد

حمدى سد الدين وحفظ  جميل الصاحب جوه العين

ووعد برد الدين

لكن ياساده هنا بداءت الحكايه

اسمعوا ايه هتقول الربابه

صاب عيد مرض

والمرض سرق العمر من عيد واصبح ولده وحيد

الولد اللى لسه صغير

مالوش خلان وبعيده عنه الاعمام

كان فى هالحين عمره عشر سنيين

وخرجت الجنازه ومامشى فيها الاالغلابه

دور الولد وسط الجنازه

تعرفه عن مين دور ياساده دور عن حمدى

حمدى صاحب الاب صاحب عيد

اللى سد عنه الدين

لكن الولد ملقاش حمدى

ومشى وجنب القبر جلس

لكن والله ماعينه بكت اصل ده الورث اللى بجد

من ابوه اتورث

ورث ازاى يعرف يخبى البكا

وتعرف العين معنى الرضا

الولد كان حكيم وهادى

بعد مافات من الوقت ساعات وبدر الليل

 

عاد لداره من غير بكا لكن حزين

استعان على برد الليل بغطا

وجلس فى ركن من اركان البيت

غلب النوم عينيه وفى الفجر سمع اذان الديك

ومفكرش الولد كتير

ايه هيعمل من غير الاب عيد

بص للكراس والكتاب

اصلهم لقلبه احباب واصحاب

واخد من الجوه الكراس قلم

وقال لازم اصنع منك سيف

حط القلم جوه الجيب وحفر فىالارض حفره فى الطين

حط الكتاب والكراس فى الحفره جوه الطين

ومن تانى ساوى الارض وحط الطين

من البدريه خرج خرج ياساده يدور على عمل

وادى ياساده ايه قصة ولد وحكايه

سار فى الارض واشتغل فى الحرت

فلاح اجير شغال بقرش او قرشين

زاد عمر الولد والحلم فى عينيه اتولد

وترك الدار والبلد

ولبلاد الغربه سافر

لم الشنطه ومال من عمله اتبقى

وطلع ع المحطه وركب القطر وراح طوالى

معرفش فين رايح القطر

مقصدش بلد ياساده قصد الهجر

حب يكون طير من غير جناحين

حط القطر ف بلد والبلد مدينه

اسوارها كبيره

حط ف قاهرة المعز

ودور ع السكن وف اوده فوق السطح سكن

وطلع من جيبه القلم

وعلقه ع الحيط جوه السكن

الولد كان شاعر مليان بالمشاعر

غنى كتير وكتب

ايه رائيكو تقراء الربابه مماكتب

الكلام ده مقرى من ورق بقلم الولد اتكتب

(ياظلم مهما كنت قوى ضعيف

ومهما تخنت انت اصلك نحيف

لوكنت تعلم البكا اصلك حزين

يابن ادم يالحم ودم اصلك طين

ومهما كنت غنى وحر لربك يابن ادم عبد

ومن جبروت ربك مايحوشك حد

طعمك ياظلم مرار مرير

لكن يحلى المر بضحكة حزين

القدر رسم لك عمر طويل لكن فى نهايته موت

والحق هيتولد مره مش مرتين

ياظلم مهما كنت قوى ضعيف ومهماتخنت اصلك نحيف)

الكلام ده كتبوا الولد كتبوا بالسيف

كتبوا بالقلم اللى كان جوه الجيب وصبح ع الحيط

عدا ليل ونهار والولد فى المدينه دوار

وتعب كتير بس لقى العمل

فى محل كبير اشتغل

محل عطاره وفيه كتير بقاله

وصاحب العمل كان اسمه عزيز

عزيز والمال فى ايده وفير عمره ميبعدش كتير عن عمر الولد

اشتغل الولد عند عزيز

كان الولد امين ووفى كان قوى وعفى

ومن بعد المشال مسك قلم

وللبيع والشرا حسب

وفى يوم من تاجر كبير لعزيز  اشترى

التاجر حضر وعن بضاعته علن

لكن قبل العلن بص فى عيون الولد

وطال النظر وقال بلدك فين ياولد

قال الولد من البلد اللى فيها الصاحب غدر

فاكر ياحمدى شكلى بتشبه على رسمى

 انا

نوار ياصاحب والدى

ياللى سيبتنى للزمن طفل وحدى

شايف على وشك عز وغنى

اخدت مالى اقصد مال والدى

يعنى مكنش فيه دين ولا ضاع منك قرش ولاقرشين

يبقى لكده مات عيد

لساك فاكر عيد اللى باعلك فدانين

لاجل مايسد عنك الدين

والدين صبح كداب وانت ياصاحب الاب غدار

عملت ايه بالمال زودت بيه العمر ساعتين

هتشترى بيه قلب او قلبيين

ايه هيكون المال غير ورق

ورق ببس لحبيبه حرق

رد حمدى على الولد

نوار ابن عيد الصاحب الوفى

ابوك ياولد طيب لكنه غبى

ازاى اسيب ولدى صبى

واسد دين كداب لصاحب مش وفى

القصه دى يانوار فاتت من اعوام

ومفيش ع الحال دوام

والدايره على ابوك دارت

وخدتك يانوار وطالت

وليا مال غزير جابت

قال عزيز هو كده كلام الظلم بجح

بره ملكى اخرج ياوقح

وقال عزيز يانوار مالى مالك

وف هلاكى هلاكك ان كان الظلم طالك

فأمسح بالضحكه دموعك

رد نوار وقال ماعرف الدمع لعينى عنوان

ولا دقت من الظلم طعم الهوان

اهى كده الدنيا ياساده دواره

وان كانت على عيد دارت فلسه الدايره دواره

ولسه الزمن عاين ومخبى اسراره

وان كان ابن ادم ظلم

ففى قبره ياساده سكن

وبايه هينفع المال والغدر

وتانى لقصتنا نعود ياساده

وتكمل الربابه لينا الحكايه

المزيد